Ffe abayonka ab'empindi ewa Mazige eri
Tufaanana bulungi kayulu luveera
Kyekinsuza nkukunadde mbe nga lumonde
Obulungi bugenda kunzita olumu mbagamba
Nkuba akafanayi wali nga n'ewulidde
Olwebeeya lwa banamwandu olulijjula ekidaala
Singa benjagaddeko bonna mbagatta
Nebadda mu sente, nandibaze bulindo
Nga nempewo bwetanyenya kutu
Nange lupiiya zannema nenkwasamu baganzi
Omuyiggo gwembaddeko Emaya Ebujaasi
Tegunsaze nkwasizza n'ate akaweewo
Ssiri wa mamba sitera kusontera omu
Kwekujja nkagujulire n'ate abawuusi
Wozuukukira odduke ebikunta
Wonaabira n'amaaso ssi lugambo
Obulamu Katonda kagenza obbunkwasako
N'alwawo okutegeera nja mutegeeza
Nakati ensonga endeese mbake ekidongo
Yemukyaala gw'olina okuwasa ate ofune emirembe
Anobye ne gwosigudde okumuleeta ewuwo
Wetadde mbulabe osinge n'omukessi
Olinga akutte sente mbulumi n'ogula
Ettaka eririko enkayana Ekasenge
Bwenkodowalira amagezi
Walukagga mbeera ng'anyoomye Katonda
Ssirituuza mutwe...
Bw'osigula muk'omusajja oyo
Tewewaana, eyo munange ntaana
Obeera ng'aguze ettaka eririko enkayana
Likulebuukanya bwooya kuggwa ntumbwe
Bw'osigula muk'omusajja oyo
Tewewaana, eyo munange ntaana
Obeera ng'aguze ettaka eririko enkayana
Likulebuukanya bwooya kuggwa ntumbwe
Asiguddwa abadde bba okukutegeera
Kkiriza gaana aba atekeddwa kutaama
N'asooka akukolimira okumuttira eddya
Wabba maama baana be awunye obuwuulu
Emindi afuuwa nneneko ofune ebibamba
Sente abadde ayoola olaba osiraana
Emigemera wala olumu najo jivaayo
Tubasanga abattidwa mu by'omuzannyo
Njagala mubeere balamu bataayi bange
Kwekujja mpumbirire owone amagombe
Omusiguze eyewaana nsabye obiveemu
Weddiza Nalumansi muka Kayemba
Osika otya emitawaana nga jikulumba
Amaalo goyolesa olinnye z'emagombe
Teri kirikira mukyaala ttujijiira
Kwogatta n'omusiguze okukumanyiira
Omunafu ekimulwanya kumuyimbirira
Era atunda Poloti okukusaanyawo
Bulumi bwa mukyala we bwebulinnya ennyo
Akemebwa akoleyo ekintu ky'obutujju
Omu ku mwe abeera alina okuziikwa
Eyabba oba eyabbwa mu ga Katonda
Entaana y'omusiguze tekuba lujji
Lwaki wetiba ekizibu eka obulwe emirembe
Obutabutane...
Bw'osigula muk'omusajja oyo
Tewewaana, eyo munange ntaana
Obeera ng'aguze ettaka eririko enkayana
Likulebuukanya bwooya kuggwa ntumbwe
Bw'osigula muk'omusajja oyo
Tewewaana, eyo munange ntaana
Obeera ng'aguze ettaka eririko enkayana
Likulebuukanya bwooya kuggwa ntumbwe
Agamba nti nyimba biki sigula...
Naye kizibu okwerabira bba mu ga Katonda
Kamutande abe nga yazaalayo nkugamba
Babeera n'ebibagatta nga banyumya era
Oluusi berabako awo kiki ekivaamu
Kwejjukanya nsonga ziri...
Omukazi eyasiguddwa okumwesiga ennyo
Kkiriza n'obwongo bwo oliko ekikyamye
Mukwano gwange Ssekirijja w'ekinaawa
Yasigula muka Arnold wali Emugongo
Yamubbayo azadde akaana k'obulenzi
Emyaka kaali mw'ebiri, emyezi musanvu
Sseki n'akawerera okukambaza nga
Okukajanjaba ate n'okukaliisa nga
Kumbe ne Arnold wali Emugongo
Asasula ebintu byebimu, abakazi owunga
Yo yali diiru ya mukyala Nakiranda
Nkugambye n'azannya bali okukira entanga
Ewa Ssekirijja yafunayo embuto ziri nnya
Ng'olubuto olumu dwo lwalimu abalongo
Bbo abaana abasatu abatali balongo
Nga bafaanana nnyo kali akazaalwa Emugongo
Mu kuziika jjo Ssentamu Ekinaawa, Ho!
Nezireeta akatamivu k'okukyaalo
K'ajja kaleekana nnyo fenna netwesika
Ssagala bubbi... Ssagala kubba...
Aliwa Ssekirijja omubbi w'olulango
Wabba muka Arnold wali Emugongo
Kasita nawe bw'ogenda osuubule amatoke
Gwewabba aba ne gwewamubbako nga begiriisa
Muvuma nnyo abatamivu naye tubamu
Olumu ojje otwaale abaana ku musaayi
Bwebalidda nga babo yenze Sserwadda
Ndayidde okuva ku nguuli mbake obutunda
Hooooo...
Bigambo by'akatamivu baganda bange
Byabobbwa Ssekirijja omutwe omuteezi
Yalinawo obusazzi bwe awo obw'amatoke
N'agenda akebeza abaana n'obukambwe
Nze abatamivu bannema era nabavako
Baba ne bwiino ggambye okutaba nfuufu
Ebyava mu ndaga butonde wali
Nga tebiwoomya nakabululu, kwali kuswaala
Amaziga mukwano gwange Ssekirijja
Ku batano abaana yafissako balongo
Abasatu abasigadde, ennaku eri munsi
Baali b'Arnold gweyabbako ekimyuula
Ssekirijja mukwetamwa ensi
Ffe twamujjako akaccupa k'obutwa nga y'ejja munsi
Nsaba etteeka lino kulirongoosa
Bwensuulirira abaana nze linvunaana
Nekubakyaala bwelityo likole
Bwansiba omwaana naye nga limulijja
Ekyobusiguze temwerabira
Nti oliba osigudde ntaana mutaayi wange
Ofananako aguze ettaka eririko enkayana
Likulebuukanya bwooya kuggwa ntumbwe
Nsaba mbasiibule nzire Ebujaasi
Awangaale Bba Ffe!
Infotainment
